في إحدى الليالي السوداء اللون كنت اعزم النوم يجني بس ماش معيي ، جات الساعة 2 ونص وانا ما نمت ما دري وراه اهوجس ..!!
قلت يا بنت قومي شبكي نت ، يمكن الحين البنات متجمعات في الديوانية يسولفون خلني اسولف معهم..
مالكم في الطويلة . ....
اتصلت وفتح معي الما سنجر الا لقيت المزيونه متصلة وطق عليها باب ما سنجرها ، خبركم مؤدبة ...
-السلام عليكم ورحمة الله وبركاته ...
-هلا وعليكم السلام ..
-شلونك كتكوتتي ؟
-بخيرك بروورتي ....وش عندك متصلة ما عندك مدرسه بكره ؟
الا .. بس وش اسوي ما جاني نوم حاولت بس ما في فايدة وانتي وراك ما نمتي ؟
-ابد الحال من بعضه ..
وسواليف يمين ويسار . . إلى ان فتح معي المنتدى هدوء خبركم النت يعل القلب ..
المهــم ...
فتح الصفحة الرئيسية وانظر المتصلين :
الأعضاء ( 0 ) والضيوف ( 0 )
برووره : هوووووووا ...
كتكوته : وش بس تهوهوين ؟؟
برووره: المنتدى فاضي ما به احــد !!!
كتكوته : طيب واذا ؟ دايم فاضي
برووره : مادري كسر خاطري وش رايك ندخل مدام ما بوه احــد نتمشى شوي ؟
كتكوته : لا يختي اخاف لحالنا ؟
برووره : وش يخوفك تخافين الكهرباء تنقطع وتحوسين ما تعرفين تطلعين من المنتدى ؟؟؟؟
كتكوته : ابرارووه بلا طنازه ؟
برووره: يا بنت المنتدى كذا ازين من غير تماسيح عشان نفتش ... وبعدين معس رهينة الرهيبة ..
كتكوته : نفتش !!! ... لا ما حنا بداخلين الا بعباياتنا ..
برووره : اوووه .. طيب بجيب جلالي .. ما بوه احد عشان العباة ..
برووره وكتكوته في المنتدى ..
كتكوته: يالله .. جنة بلا ناس ما تنداس صدق ..
برووره : قلبيها حزن .. يالله ...اكتب خاطره بعد ..الا جنة بلا ناس تنداس ،، ياختي كذا تدخلين و تقرين على رواقه دايم حوسة وزحمة وهوش تقل حنا في سوق الحراج يوم جمعة ما تدرين وش يبون من الصجة ..
كتكوته : اجل شوفي انا برو ح الادبي لي موضوع بشوف وش صار عليه احد رد ؟
برووره : ما عندك احد ...
كتكوته : اقول ابرارووه بلا تجديع كلام .. اسمعي .. اذا خفت او صار لي شي برن عليس ردي على جوالس مو تندمجين بالعام وتسفهين الجوال ..
برووره : طيــب
وراحت كتكوته بينما بروورهظلت في القسم العام تناقز من موضوع وتطلع الى موضوع .. بحرية وبدون خوف او قيود ..
وبعد شوي ملت وراحت لكتكوته في الادبي ..
برووره : كتكوته.. قضيتي من موضوعس هاه بشري كم رد 2 او 3 ..
كتكوته : برووره .. اهجدي تراك مدوره على شر اليوم ..
برووره: امزح يا بنت .. اسمعي وش رايك نروح قسم السيارات فاضي وما فيه احــد ..
كتكوته: قسم السيارات وش تبين بوووه ؟
برووره : وش ابي به نتفرج على السيارات ..
كتكوته: ليه ؟
برووره: ابــد ودي اشري سيارة ؟ ليه ؟؟ ابي اركب سيارة وافحط بها شوي دام المنتدى فاضي ..
كتكت : اقول انتي ناوية تصدمين بالمنتدى تراها ماهي سيارات تصادم ذولي سيارت صدقيات
برووره : اموت على صدقيات ..اقول لا يسمعك القلب الدافيء يضحك على صدقيات .. وبعدين حتى لو صدقيات وكسرنا جدران المنتدى نهج على طول ؟؟
كتكوته: لا ياختي انا ابي عمري صراحة ..
برووره : خلاص بكيفك انا بروح لحالي ..
كتكت: وانا بروح قسم الطبخ والاكلات امي غاثتن تقول ما تعرفين تطبخين ابد ... بلطش كم طبخه .
برووره : وهي صادقة ..
كتكت : وشوووو ووووووا ...
برووره : قصدي مالها حق خالتي صراحة ...
0
0
0
0
0
بعد دقائق من التفرق
اتت كتكت مسرعة الى قسم السيارات ...
-رابرااااااااااااااااااااروووووووووه ...
-هلا وش بس ؟؟ فزعتيني .. وش فيكِ ؟
-خ خ خا ااا يفه ..
-خا يفة من ايش ؟
